سؤال وجواب عن غشاء البكارة

تقديم : لينا عاطف

سؤال كتير بتساله فقولت الاجابه تبقى هنا احسن عشان نستفيد كلنا ... اعرف منين ان انا لسا فيرجن ؟
تعرفى انك بتشوفى فى المرايه هتلاقى الغشاء عبارة عن حته جلدة رقيقة لونها فاتح شوية وقافلة الطريق لجوه .

هو ممكن الشطاف يفض الغشاء ؟
لا مش ممكن لان الغشاء مش بيتفض الا لو حاجة دخلت جوه بعد 3 سم يعنى حتى عقلة صباعك ممكن تدخل ومتعملش مشكلة خالص

انا لقيت دم نازل منى فهل كده الغشاء اتفض ؟
لا لانها احتمال كبير جدا تكون بقايا دم من البريود اللى فاتت .

هو ممكن الغشاء يتفض لو عملت العاده ؟
لا طالما مش بتدخلى حاجه

اعرف نوع الغشاء ازاى اصلى خايفه يكون مطاطى ؟
لازم دكتور يشوفه لانهم محتاجين حد يشوفه من قريب

طب انا فرحى قرب وقلقانه ميكونش عندى غشاء واكون اتولدت من غيره ؟
لو كشفتى هتعرفى انك الغشاء مش مولوده بيه اصلا وانك معملتيش علاقة قبل كدهدا اللى افتكرته

بنات كتير بتسال او حصلها ان اثناء فض البكاره منزلش دم , هل ده معناه انها مش فيرجن ؟ طب ازاى ؟ يعنى ممكن تكون عملت علاقه من غير ما تحس !! كلام مش منطقى.
فخلينا نشوف احتمالات عدم نزول دم اثناء الغشاء وانت لسا فيرجن :

1. ممكن تكون فتحة الغشاء واسعة _اى كان نوعه _ وكمان حدث دخول العضو الذكرى ببطء وبالتالى دخل وخرج بسهوله من غير ما يجرح حواف المهبل , ودا مش هيتفض الا فى الولاده الطبيعيه .

2. فى 7 انواع لغشاء البكاره , اللى بيعمل نزول دم بشكل ملحوظ نوع اسمه حاجزى , والباقى نسبة حدوث نزول دم فيهم مش كبيره .

3. نوع الغشاء بتاعك لو كان مطاطى ودا مش بيتفض الا بعد كذا دخول للعضو الذكرى .

4. ممكن نتيجة توترك يحصل تشنجات فى الاوعية الدموية وانقباض لها , ودا بيقلل فرصة نزول دم .

5. انك اصلا مولوده من غير غشاء بكاره , ودا نسبته قليله .

هل العادة السرية ممكن تفتحنى " مش تخلينى فيرجن " ؟
لا .. الغشاء بعد 3 سم تقريبا جوه الفتحه وبالتالى مش هيتفتح الا بدخول اداة صلبة "زى صباعك او قلم ... " ، يبقى العادة السرية مش بتاثر على البكاره تمامااااا

هل ممكن جوزى يعرف انى بعمل العادة السريه ؟
لا .. لا جوزك ولا حتى دكتور .. العادة السرية مش بتعمل تغيير اصلا وحتى لو المكان بقى غامق لانك بتعمليها بعنف فمش علامه للعادة اصلا
لو جه بي جوزك وعمل فيها بيفهم اوى وقالك انا متاكد انك بتعملى العادة السرية .. ساعتها خليكى متاكده انه بيقول اى كلام معتمد انك معظم البنات بيعملوها .. قوليله بص انا مش بعملها وتعالى نروح نكشف ولو طلعت غلط متتكلمش معايا تانى " بصوت واداء احمد العزيز كده " .. هتلاقى سكت ولم نفسه .

#لينا_عاطف