العادة السرية بنظرة علمية

تقديم : لينا عاطف

النهارده هنتكلم عن masturbation اللى هى العاده السريه (ولها اسماء تانيه ) ، فاول حاجة لازم نعرفها كده انها لا سرية ولا حاجة لان معظم البنات بيعملوها يعنى اكتر من 85% بيعملوها بصفة دورية والباقى عملها قبل كده ولكن مش بصفة مستمرة ..

الماستربشن هى امتاع نفسك عن طريق مداعبة الأعضاء التناسلية ودا هيوصلك الاستمتاع الجنسي بالوصول للأورجازم اللى هو الرعشة الجنسية .

طب نعملها ازاى بقى :
كلنا عارفين حتى لو بشكل لا ارادى هو بيتعمل ازاى بس ممكن نكون بنخاف او بنتردد علشان تربيتنا او مجتمعنا له معتقدات معينه بتخلينا للاسف مش فاهمين ايه الصح من الغلط لكن عموما هى بتتعمل بمداعبة البظر بالأصابع بشكل شبه ودا طبعا للفيرجن ، اما بقى للى متجوزه او مش فيرجن يعنى فممكن تعمل عن طريق المهبل ودا هيوصلها للاورجازم المهبلى واورجازم الجى سبوت.
وعلى فكره جسمنا كله ممكن نثيره مش جزء واحد واحد ، يعنى ممكن حلمات الصدر واى مكان تحسى فيه بالاثاره ، ملهاش قاعده يعنى.

طبعا فى اشكال وطرق كتييييير لعملها ممكن تدوروا عليها انما مهم نعرف الكلام ده اكتر من الطرق نفسها ..

نيجى بقى لاكتر خرافة منتشره ... هى ليها اضرار ؟
لا ملهاش اى اضرار لانها اصلا سلوك جنسى طبيعى خااالص مفيش منه اى مشكله .. دا بالعكس لها فوايد كتييير هنقولها تحت ، يعنى مفيش اى ضرر طبى ليها .
طب اعملها اد ايه ؟ كام مره يعنى ؟
بصى بقى جسمك اللى يحدد وانتى اللى تحددى لما تحتاجى اعملى ، لكن حطى فى اعتبارك الارهاق اللى هيحصلك وظبطى امورك وانطلقى بقى لانه الماستربيشن زيه زى اى سكس بيستهلك طاقة الجسم فاعملى حسابك ترتاحى شويه بعديه ، لكن فى الاغلب يعنى بتتعمل حوالى مره يوم ويوم او مره كل يوم ، انما فى ناس بتعملها مره كل اسبوع او كل شهر .. عادى يعنى ملهاش قاعدة .

حاجات اخد بالى منها وانتى بتعمليها :
1. مفيش عنف خاااااااااااااااالص
2. مفيش افراط فيها ، خليكى بالمعدل الطبيعى لنفسك وجسمك
3. بلاش من فوق الهدوم علشان متعملش فطريات او التهابات
4. لو عايزين تستخدمو اى حاجه تزحلق يبقى تجيبو كريم او منتجات ديوركس مثلا ( حاجة متخصصه يعنى ) واوعو تستخدمو صابون او حاجه من الحاجات دى لانها ممكن تعمل التهابات .
5. اعملوها وقت البريود يا جماعه وهتعرفوا ليه .

نيجى بقى لاهم نقطة .. ايه فايدتها بقى :
فوايد كتيييييييير جدا
1. اول حاجه يتخليكى توصلى للاورجازم بسرعه وطبعا الناس المتجوزه لو كانو بيعملوها بتلاقيهم ممكن يوصلو اسرع من اللى مكنوش بيعملوها .
2. الحاجة التانيه انها بتقوى عضلات الرحم وعلشان كده بتحمى من هبوط الرحم
3. الحاجة الثالثه انها بتقلل تشنجات البريود وتقليل الآلام بتاعها
4. بتقلل الاصابة بامراض القلب والسكر
5. الحد من التوتر الناتج عن تزايد مستوى الهرمونات في الدم
6. تقوية جهاز المناعة
7. بتبسطك وتخلى مودك كويس لانها بتطلع هرمون اسمه سيرتونين ودا هرمون السعاده اصلا
8. بتحسن النوم طبعا ، يعنى لو عندك ارق اعمليها هتنامى على طوووووول
9. بتساعدك في اكتشاف جسمك ومعرفة ايه اللى بيهيجك وايه اللى بتحبيه ودا هيفيدك لما تتجوزى
10. بتنشط الغدة المسئولة عن لزوجة المهبل وبكده يبقى الايلاج سهل .

لو عملنا كتيييير ايه اللى هيحصل ؟
ممكن يحصل ألم او تورم بسيط فى البظر والشفتين او جفاف فى المهبل بعد اكتر من مرة او لو طولتى المدة بس المشكلة مؤقتة والالم بيروح بعد شويه لكن استخدام المرطبات حلو جدا ومش بيخلى الحاجات دى تحصل .

يبقى من الاخر كده ، الماستربيشن حاجه حلوه مش وحشه وملهاش اضرار طالما بتتعمل صح وملهاش عدد معين لانها حسب طاقتك انتى .

يعنى :
لو مضغوطه اعمليها
لو زهقانه اعمليها
لو متعصبه اعمليها
لو متوتره اعمليها
لو عندك البريود اعمليها
لو عايزه تنامى اعمليها
لو لسا متجوزتيش اعمليها

لو عاوزين معلومات اكتر ممكن اقولكم على مصادر الكلام ده بقى .

#استمتعوا_بحياتكم
#لينا_عاطف