Here for You

الليلة الأولى

النهارده هنتكلم عن الليلة الاولى - اللى مش شرط تبقى ليلة الدخلة يعنى لكنها اول مرة تمارسى فيها الجنس .
طبعا الموضوع مش بسيط اوى بس بردو مش صعب ، يعنى مش لازم نبقى متوترين وقلقانين وخايفين من حاجات بعضها خرافات اصلا .
الموضوع طويل شويه وتفاصيله كتير جدا ، فالنهارده اول جزء وبعدين هنكمل ان شاء الله لو حبيتم ، النهارده هكلمكم من اهدى مكان فى الدنيا ، من اوضة النوم ، وانتى مع شريكك ومطلوب تقضو احلى ليلة ،
هتعملو ايه !!
نبتدى الاول نقول شوية معلومات مهمه :
اول حاجة : الجنس مش حاجة عيب او غلط او حاجه نخاف منها او نحاول نداريها ، بالعكس هى حاجة طبيعية جدا ليكى ولجسمك زى ما وضحنا فى موضوع العادة السرية ، وبالتالى فلازم تبقى هاديه ومبسوطه وانتى بتعمليه ، ومتبقيش مضغوطه ومتوتره واعصابك مشدوده لان ده لوحده كفيل ان بيوظ احلى واجمل ليله مهما كان اداء الطرف الاخر .
الحاجة التانيه : ان الجنس مش مجرد عضو وخلاص ، بالعكس تماما ، الموضوع نفسى بنسبة كبيره جدا ، ودا اساس نجاح اى علاقة ، لانه فرضا 2 ستات عملو سكس مع نفس الراجل ، وفيه واحده بتحبه وواحده لا ، فاللى بتحبه هتتبسط جدا فى حسن التانيه مش هتوصل لنفس احساس الاولى ، من هنا نفهم الاثر النفسى .
الحاجة التالته : احنا مش فى حرب ، لانه لو كده فشريكك هيحصله ضعف انتصاب بسبب التوتر ، وانتى هيحصلك جفاف للمهبل ، وبكده الليله كلها باظت .
الحاجة الرابعة : الاجهاااااد ، متبقوش تعبانين بدنيا وعايزين ليلة حلوه ، لانه الجنس هو مجهود بدنى اصلا ، فلازم تبقو مرتاحين وفى حالة استرخاء تماما .
طيب نشوف بقى ايه اللى مطلوب نوفره علشان نقضى ليله حلوه :
1. المكان : لازم يبقى مكان مريح وهادى علشان ترتاحو وميبقاش فيه اى توتر ويخلى مزاجكم كويس .
2. الاضاءة لازم تبقى هاديه علشان تديكو احساس بالارتياح ، بس بردو لازم تشوفو بعض وتشوفو اجسام بعض قبل ما تبتدو تعملو اى حاجه ، علشان تحسو ببعض ويبقى فى تواصل بينكم .
3. اللبس يا جماعه : لازم يبقى لبس خفيف ومناسب تقدروا تخلعوه بسهوله ، مش تلبسى 100 حاجه على ما تقلعى تكونو نسيتوا انتو جايين ليه
4. اهم حاجه بقى هو انك تبقى مرتاحه نفسيا ومش قلقانه خااااالص لانها مش حرب ، دا موضوع ممتع جدا ، ولازم تتبسطى منه ، ولو فضلتى قلقانه كده فالليله كلها هتبوظ ، وحاولى تلمسيه برقه كده فى البداية علشان ميبقاش فيه اى قلق او توتر من ناحيته ، هتشكتفى انه حلو خااالص ومش بيعض :D .
5. ممكن تستخدموا اى حاجة مرطبة زى ديوركس ، وكمان ممكن يستخدم كوندوم ، خصوصا اول مرة لو كنتى فيرجن :D .
6. النظافة الشخصيه مهمة جدا : مهمه عموما ومهمه خصوصا لان دى اول مره واول انطباع عن جسمكم هيفضل معاكم طول الوقت ، فممكن تتكلمى مع شريكك بالنسبه للشعر مثلا الموجود ، فى بنات بتحبه وبنات مش بتحبه ، بالنسبه لنوع البرفيوم اللى تحبيه .....
7. اعرفى شريكك ميوله ايه ، ودا ممكن من بداية معرفتكم ، قبل ما توصلو لاوضة النوم يعنى ، اتكلمى معاه واعرفى تفاصيله وبيحب ايه ويكره ايه وكده ، ودا اصلا هيكسر اى حواجز بينكم ويزيل اى خوف او توتر .

قوليلى رايكم ايه بقي .
#لينا_عاطف